مربعات الأبنودي: (العَرْش) الإخْوانى!!
عبد الرحمن الأبنودي
لا أمريكانى.. وَلاَ ألمانى..
ولا إيرانى.. وَلاَ أَرْدُوغَانى..
ولا قَطَر ولا مِيتْ آل ثانِى..
حَيْرجَّعُوا (العَرْش) الإخْوانى!!
****
مِشْ شجاعة تِقْتِلُوا لَوْ ألف نَفْس
إنتو مَساكين كل لِعْبِتْكُم أَوَنْطَة
إحنا عارفين قَتْلُكُم للخَلْق يأْس
وِانِّكُمْ فى تاريخ مَسِيرِةْ مَصْر.. غلْطَة!!
****
قاعْدِينْ فى (رابْعَة).. مين بَقَى اللّى اتْشَطَّر
وِزَقُّهُمْ سَنْتِى عن المِيدان؟
فَاللِّى يِهاجْم الجِيشْ.. وبِيْقُول: «عَسْكَرْ»
بِيِدِّى مصر.. هدِيّة للإخوان!!
****
نِشْفِتْ ضُرُوعْهَا قَوِى مِ العصر
العَصْر مَلْعُون.. والعَاصِرْ
رِسْيِتْ عليكم تُحكُموا مصر؟
يرحم (جمال عبد الناصر..)!!